Mahihirapan kang matulog dahil masyadong maingay ang isip mo. Nalulungkot, nangangamba, at nangungulila. Pagod ang katawan pero gising na gising ang isipan. Tahimik na ang mundo at tanging patak ng ambon ang bumabasag sa nakabibinging katahimikan.

Kapag nakatulog ka na, mananaginip ka ng walang pinagkaiba sa reyalidad. Kung may magandang palabas man ang sine ng isipan, siguradong imposible itong magkatotoo. Maya maya lamang ay may aantala sa iyong pagkaaliw. Ika'y magigsing at patuloy muli ang delubyo.